سینئر صحافی پرویز شوکت انتقال کر گئے

راولپنڈی ( نئی تازہ رپورٹ) سینئر صحافی اور پاکستان فیڈرل یونین آف جرنلسٹ (پی ایف یو جے) ورکرز کے صدر پرویز شوکت انتقال کر گئے۔

میڈیا رپورٹ کے مطابق اہلخانہ نے پرویز شوکت کے انتقال کی تصدیق کی ہے، بتایا گیا ہے کہ پرویز شوکت کا انتقال راولپنڈی میں ہوا اور مرحوم کی نمازجنازہ آج جمعہ کو شام 4 بجے ادا کی جائےگی۔

پرویز شوکت مرحوم طویل عرصہ سے روزنامہ جنگ سے وابستہ تھے انہوں نے تقریباً 50 برس صحافیوں اور میڈیا ورکرز کے حقوق کیلئے جدوجہد کرتے ہوئے گزارے۔