وادی نیلم میں طویل خشک سالی کے بعد ہلکی بارش اور بالائی علاقوں میں برف باری ہوئی ہے ، جبکہ اسلام آباد اور راولپنڈی سمیت مختلف علاقوں میں بھی ہلکی بارش ہوئی۔
تفصیلات کے مطابق طویل عرصہ بعد وادی نیلم میں ہلکی بارش ہوئی، سیاحتی مقامات جاگراں شونٹھر ویلی سمیت دیگر پہاڑوں پر برف باری ہوئی ۔ محکمہ موسمیات کے مطابق یہ سلسلہ وقفے وقفے سے شام تک جاری رہے گا۔
ادھر وفاقی دارالحکومت اسلام اباد اور جڑواں شہر راولپنڈی سمیت دیگر علاقوں میں طویل عرصہ بعد ہلکی بارش ہوئی جس سے فضائی آلودگی میں کمی کا امکان ہے۔
