لاہور: پنجاب کے تمام نو بورڈز آف انٹرمیڈیٹ اینڈ سیکنڈری ایجوکیشن (BISEs) نے میٹرک (دسویں جماعت) کے سالانہ امتحانات 2026 کے نتائج کا باضابطہ اعلان کر دیا ہے۔
لاہور، راولپنڈی، ڈیرہ غازی خان، فیصل آباد، گوجرانوالہ، ملتان، بہاولپور، ساہیوال اور سرگودھا کے تعلیمی بورڈز نے نتائج بیک وقت جاری کیے۔
نتائج کیسے چیک کریں؟
طلبہ اپنے متعلقہ تعلیمی بورڈ کی آفیشل ویب سائٹ پر رول نمبر درج کر کے آن لائن رزلٹ کارڈ دیکھ اور ڈاؤن لوڈ کر سکتے ہیں۔
جن طلبہ کو انٹرنیٹ کی سہولت میسر نہیں، وہ اپنا رول نمبر متعلقہ بورڈ کے مخصوص ایس ایم ایس کوڈ پر بھیج کر موبائل فون پر نتیجہ حاصل کر سکتے ہیں۔
لاہور: 800291
راولپنڈی: 800296
فیصل آباد: 800240
ملتان: 800293
گوجرانوالہ: 800299
سرگودھا: 800290
بہاولپور: 800298
ڈیرہ غازی خان: 800295
ساہیوال: 800292
لاہور بورڈ کا AI چیٹ بوٹ متعارف
نتائج کے اجرا کے ساتھ ہی لاہور بورڈ نے طلبہ اور والدین کی سہولت کے لیے BISE Lahore AI Chatbot متعارف کرا دیا ہے۔
یہ مصنوعی ذہانت (AI) پر مبنی ڈیجیٹل سروس طلبہ کو نتائج، امتحانات، اسناد کی تصدیق اور دیگر تعلیمی خدمات سے متعلق معلومات اور رہنمائی فوری فراہم کرے گی۔
بورڈ حکام کے مطابق، اس اقدام کا مقصد جدید ٹیکنالوجی کے ذریعے طلبہ کو مؤثر، تیز اور آسان تعلیمی خدمات فراہم کرنا اور عوامی خدمت کے نظام کو مزید بہتر بنانا ہے۔
جو طلبہ اپنے حاصل کردہ نمبروں سے مطمئن نہیں ہیں، وہ نتائج کے اعلان کے بعدآن لائن ری چیکنگ یا ری کاؤنٹنگ کے لیے درخواست دے سکتے ہیں۔
تعلیمی بورڈز جلد سیکنڈ اینول (سپلیمنٹری) امتحانات کے شیڈول کا بھی اعلان کریں گے، جس میں ناکام ہونے والے یا اپنے نمبروں میں بہتری لانے کے خواہش مند طلبہ شرکت کر سکیں گے۔
۔
