اسلام اباد ( نئی تازہ رپورٹ) فیڈرل بورڈ آف انٹرمیڈیٹ اینڈ سیکنڈری ایجوکیشن ( FBISE ) نے ایف اے، ایف ایس سی سمیت انٹرمیڈیٹ (ہائیر سیکنڈری سکول سرٹیفکیٹ پارٹ 1، پارٹ 2 ) کے تمام سالانہ امتحانات 2024 کی ڈیٹ شیٹ جاری کر دی ہے۔
وفاقی تعلیمی بورڈ کے تحت 11 ویں اور 12 ویں جماعت( ہائیرسیکنڈری سکول سرٹیفکیٹ پارٹ 1، پارٹ 2) کا امتحان 30 اپریل 2024 سے شروع ہو گا،ڈیٹ شیٹ کے مطابق فیڈرل تعلیمی بورڈ کے تحت 11 ویں، 12 ویں جماعت کے پیپرجمعہ 24 مئی تک جاری رہیں گے۔
فیڈرل بورڈ کی ڈیٹ شیٹ نیچےدی گئی ہے جبکہ اس لنک پر بھی موجود ہے۔
بورڈ حکام کے مطابق مارننگ شفٹ کے لیے پیپر صبح 9 بجے شروع ہو گا اور دوپہر 12 بجے تک جاری رہے گا، جبکہ ایوننگ شفٹ کے پیپر دن 2 بجے سے شام 5 بجے تک ہوں گے۔
ڈیٹ شیٹ کے مطابق پریکٹیکلز ( عملی امتحانات ) کا آغاز جمعرات 23 مئی سے ہو گا۔
