عمران خان اور بشریٰ بی بی پر توشہ خانہ کیس میں فرد جرم عائد

راولپنڈی ( نئی تازہ رپورٹ) پاکستان تحریک انصاف کے بانی عمران خان اور ان کی اہلیہ بشریٰ بی بی پر توشہ خانہ کیس میں فرد جرم عائد کردی گئی۔

منگل کو اڈیالہ جیل راولپنڈی میں عمران خان کے خلاف توشہ خانہ کیس کی سماعت ہوئی ، عدالت نے عمران خان اور ان کی اہلیہ پر فرد جرم عائد کردی۔

عدالت نے اس موقع پربشریٰ بی بی کو 190ملین پاؤنڈ ریفرنس کی نقول فراہم کردیں۔

راولپنڈی کی احتساب عدالت کے جج محمد بشیر نے کیس کی سماعت کی، عمران خان اور بشری بی بی اپنے وکلا کے ہمراہ عدالت میں موجود تھے۔

دونوں کو کمرہ عدالت میں چارج شیٹ پڑھ کر سنائی گئی، تاہم چارج شیٹ سننے کے بعد انہوں نے صحت جرم سے انکارکیا۔