اسلام آباد ( نئی تازہ رپورٹ) ملک کے متعدد علاقوں میں شدید دھند کے باعث فلائٹ آپریشن منگل کو بھی متاثرہوا اور کم از کم 15 پروازیں منسوخ کر دی گئی ہیں۔
ایوی ایشن ذرائع کے مطابق پی آئی اے کی ابوظبی پشاور، دبئی اور پشاور کی پروازکو اسلام آباد لینڈنگ کرنا پڑی، ایک نجی ائیر لائن کی شارجہ اسلام آباد اور مانچسٹر اسلام آباد پرواز بھی موسم کی وجہ سے منسوخ کر دی گئی۔
دھند کی وجہ سے اسلام آباد ریاض کے درمیان نجی ائیر لائن کی پرواز اوراسلام آباد سے کوئٹہ کی پروازیں بھی منسوخ ہوگئیں، اسی طرح لاہور دبئی، ملتان دبئی، کراچی کوئٹہ اور کراچی اسلام آباد کی پروازیں بھی منسوخ کرنا پڑی ہیں۔
جنوری 2024 کے دوران ملک کے مختلف ائیرپورٹس کے لیے 300 ملکی و غیر ملکی پروازیں دھند کی وجہ سے منسوخ کرنا پڑی ہیں۔
