کوہاٹ ( نئی تازہ رپورٹ) خیبرپختونخوا کے ضلع کوہاٹ میں پولیس چیک پوسٹ پر دہشتگردوں کے حملے میں 3 پولیس اہلکاروں سمیت چار افراد شہید ہوگئے۔
پولیس ترجمان کے مطابق انڈس ہائی وے پر لاچی ٹول پلازہ کے قریب پولیس چیک پوسٹ پر دہشتگردوں نے رات کے وقت بھاری ہتھیاروں سے حملہ کیا، حملے اور فائرنگ کے تبادلے میں 3 پولیس اہلکار اور ایک شہری شہید ہوگئے۔
ترجمان نے میڈیا کو بتایا کہ واقعے کی اطلاع ملنےپر پولیس کی بھاری نفری موقع پر پر پہنچ گئی، علاقے کو گھیرے میں لے کردہشت گردوں اور سہولت کاروں کی تلاش کے لیے سرچ آپریشن شروع کردیا گیا ہے۔
پولیس کے مطابق ایسی اطلاعات ملی ہیں کہ حملہ آور پہاڑی علاقے کے قریب چھپے ہوئے ہیں، جلد ان کا خاتمہ کردیا جائے گا۔
پولیس ترجمان نے بتایا کہ شہید اہلکاروں کی میتیں ہسپتال منتقل کردی گئی ہیں، جن میں شکردرہ کا رہاشی لائس ہیڈ کانسٹیبل امجد، شکردرہ کا ہی رہاشی لائس ہیڈ کانسٹیبل جنید اورسورگل کا رہائشی کانسٹیبل وقار جبکہ لکی مروت کا رہائشی شہری نور محمد شامل ہیں۔
