اسلام آباد ( نئی تازہ رپورٹ) آئی ایم ایف نے پاکستانی حکام سے ٹیوب ویل صارفین کیلئے بجٹ سبسڈی کے خاتمے کا مطالبہ کردیا۔
نجی ٹی وی نے ذرائع کے حوالے سے بتایا کہ عالمی مالیاتی ادارے ( آئی ایم ایف) مشن سے تکنیکی سطح کے مذاکرات میں وزارت توانائی اور وزارت خزانہ کے حکام کی میٹنگ کے دوران ٹیوب ویل سولرائزیشن سکیم کو رواں مالی سال شروع کرنے پر مذاکرات ہوئے۔
ذرائع کے مطابق آئی ایم ایف نے پاکستان کے زرعی شعبے کے لیے سولرائزیشن( شمسی توانائی) کا سسٹم متعارف کروانے کا کہا ہے ، آئی ایم ایف مشن نے ٹیوب ویل صارفین کیلئے بجٹ سبسڈی ختم کرنے کا مطالبہ کیا اور کہا کہ 90 ارب روپے میں سے 30 ارب وفاق، 30 ارب صوبے اور 30 ارب روپے ٹیوب ویل صارفین دیں ادا کریں گے۔
یہ بھی پڑھیں : پاکستان اور آئی ایم ایف کے درمیان 71 کروڑ ڈالرکی قسط کے لیے مذاکرات کا اغاز
سکیم پر عملدرآمد سے ٹیوب ویلز صارفین کو آئندہ مالی سال کے بجٹ میں بجلی کے استعمال کی مد میں سبسڈی نہ دینے کا بھی کہا گیا ہے۔
ذرائع نے بتایا کہ میٹنگ میں آئی ایم ایف کوآگاہ کیا گیا ہے کہ کاسٹ ریکورننگ ٹیرف بہتری کیلئے نیپرا سہ ماہی ایڈجسٹمنٹس، فیول پرائس ایڈجسٹمنٹس بروقت نوٹیفکیشن کررہا ہے۔
معلوم ہوا ہے کہ آئی ایم ایف نے ڈسکوز، وزارت توانائی اور نیپرا کے درمیان تعاون اور فیصلوں پر جلد عملدرآمد کا بھی کہا ہے۔
