اسلام آباد( نئی تازہ رپورٹ) سابق وزیر داخلہ، عوامی مسلم لیگ کے رہنما شیخ رشید کو گرفتار کرلیا گیا۔
نجی تی وی کے مطابق اسلام آباد پولیس نے شیخ رشید کو دو بھتیجوں سمیت نجی ہائوسنگ سوسائٹی سےگرفتار کیا ہے، ۔
شیخ رشید کے وکیل سردار عبدالرازق نے گرفتاری کی تصدیق کرتے ہوئے کہا کہ راولپنڈی، اسلام آباد پولیس اور سادہ کپڑوں میں اہلکار شیخ رشید کو گرفتار کرکے لے گئے ہیں۔
انہوں نے بتایا کہ شیخ رشید نجی ہاؤسنگ سوسائٹی کے فیز 3 میں واقع اپنی رہائشگاہ پر موجود تھے۔ وکیل کے مطابق پولیس نے شیخ رشید کے بھتیجوں اور ملازم کو بھی گرفتارکر لیا ہے۔
شیخ رشید کے وکیل نے کہا کہ یہ نہیں معلوم کی شیخ رشید کو کس مقدمہ میں گرفتار کیا گیا ہے، اس حوالے سے قانونی راستہ اختیار کریں گے۔
