کولمبو ( نئی تازہ رپورٹ)بھارت نے سری لنکا کو ایشیا کپ کے فائنل میں یکطرفہ مقابلے کے بعد 10 وکٹوں سے شکست دے دی۔
کولمبو میں کھیلے گئے فائنل میچ میں سری لنکا نے ٹاس جیت کر پہلے بیٹنگ کا فیصلہ کیا، جو نقصان دہ ثابت ہوا۔ بھارتی بائولرز نے سری لنکن بلے بازوں کو سنبھلنے تک کا موقع نہیں دیا۔
سری لنکا کی ٹیم 15.2 اوورز میں 50 رنز بناکر آل آؤٹ ہوگئی جو کسی ون ڈے انٹرنیشل ٹورنامنٹ کے فائنل میچ میں کسی بھی ٹیم کا سب سے کم ترین ٹوٹل ہے۔
سری لنکا کے کپتان سمیت 5 بلے باز صفر پر آؤٹ ہوئے جبکہ کوشل مینڈس 5، پاتھم نسانکا 2، دھننجایا ڈی سلوا 4، ڈونتھ ویلالجے 8، پرمود مدوشن 1 رنز بناکر آؤٹ ہوئے۔ کوشل مینڈس نے سب سے زیادہ 17 اور دوشن ہیمانتھا نے 13 رنز بنا ئے۔
بھارت کی جانب سے محمد سراج نے تباہ کن بائولنگ کرتے ہوئے سات اوورز میں 21 رنز دیکر 6 وکٹیں حاصل کیں۔ انہوں چار وکٹیں ایک ہی اوور میں حاصل کیں۔ہاردک پانڈیا نے 3 جبکہ جسپریت بمراہ نے ایک کھلاڑی کو پویلین کی راہ دکھائی۔
بھارت نے 51 رنز کا آسان ہدف 6.1 اوورز میں بغیر کسی نقصان کے حاصل کرلیا۔ اوپنرز ایشان کشان نے 23 اور شبمن گل نے 27 رنز بنائے۔ بھارت دفاعی چیمپئن سری لنکا کو ہرا کر آٹھویں بار ایشیا کپ کا ٹائٹل اپنے نام کرنے میں کامیاب رہا۔
