آرمی چیف ، ڈی جی آئی ایس آئی اسمبلی کے ان کیمرہ اجلاس میں شریک ہوں گے

اسلام آباد( نئی تازہ رپورٹ) پاک فوج کے سربراہ جنرل عاصم منیر اور ڈی جی آئی ایس آئی قومی اسمبلی کے ان کیمرہ اجلاس میں شرکت کریں گے، اسپیکر راجہ پرویز اشرف نےکل جمعہ 14 اپریل کو اسمبلی کا اِن کیمرا اجلاس طلب کرلیا۔

ذرائع کے مطابق اجلاس میں آرمی چیف جنرل عاصم منیر اور ڈی جی آئی ایس آئی خصوصی طورپر شرکت کریں گے۔
ان کیمرہ اجلاس میں ارکان قومی اسمبلی، وزرا اور مشیران شریک ہوں گے۔

ذرائع کے مطابق ملک کی عسکری قیادت کی طرف سے اجلاس کے شرکا کو ملک کی سکیورٹی کو درپیش اندرونی و بیرونی چیلنجزپربریفنگ دی جائے گی۔

نجی ٹی وی کے مطابق اسپیکر نے سپریم کورٹ پریکٹس اینڈ پروسیجر بل سے متعلق سپریم کورٹ کے نوٹسز کے معاملہ پر قومی اسمبلی کا ان کیمرا اجلاس طلب کیا ہے۔ اوراسپیکر نے پہلے سے جاری اجلاس کو ہی ان کیمرہ کر دیا ہے۔

اجلاس کل (جمعہ) کو دن اڑھائی بجے شروع ہوگا۔