گجرات ( نئی تازہ نیوز) پولیس کی بھاری نفری نے صبح سویرے مسلم لیگ ( ق ) کے رہنما ء اور سابق وزیر اعلیٰ پنجاب چوہدری پرویز الٰہی کی رہائش گاہ کو حصار میں لے کر چھاپہ مارا ، پولیس کی درجنوں گاڑیوں اور سینکڑوں اہلکاروں رہائش گاہ کے گرد موجود رہے ۔ نجی ٹی وی کے مطابق پنجاب پولیس نے چوہدری پرویز الٰہی کی رہائش گاہ کنجاڑی ہاؤس پر بدھ کو علی الصبح چھاپا مارا ۔اس دوان بھاری نفری نے رہائش گاہ کو حصار میں لئے رکھا جبکہ پولیس کی گاڑیاں رہائش گاہ کے قریب بھی گشت کرتی رہیں۔
ذرائع کے مطابق پرویز الٰہی یا ان کے خاندان کا کوئی فرد کنجاڑی ہائوس میں موجود نہیں تھا وہاں پر صرف ان کے ملازمین تھے ۔مسلم لیگ ق کے رہنماؤں کے مطابق چوہدری پرویز الٰہی اور انکے بیٹے مونس الہٰی گھر پر نہیں پریویز الٰہی لاہور جبکہ مونس الٰہی بیرون ملک موجود ہیں۔فوری طور پر پولیس کی جانب سے کسی قسم کا موقف سامنے نہیں آیا۔
