کراچی( نئی تازہ رپورٹ) سڑک پر گھومنے والے پاگل شخص نے راہگیر خاتون کو گیتی کا وار کرکے قتل کردیا۔
میڈیا رپورٹ کے مطابق 52 سالہ خاتون سرجانی کے علاقے خدا کی بستی عباس گوٹھ میں گلی سے گزر رہی تھی کہ علاقے میں گھومنے والے مستانے ( فاتر العقل شخص) نے نامعلوم وجہ سے گیتی کا وار کر قتل کر دیا اور موقع سے فرار ہوگیا۔
پولیس نے ضابطے کی کارروائی کے لیے خاتون کی لاش عباسی شہید ہسپتال پہنچائی جسے بعد ازاں ورثا کے حوالے کر دیا گیا۔ ایس ایچ او سرجانی ٹاؤن کے مطابق مقتولہ کی شناخت 52 سالہ ہمتی زوجہ جیوا کے نام سے کی گئی۔
پولیس ملزم کی گرفتاری کیلئے مختلف علاقوں میں چھاپے مار رہی ہے۔
