لاہور( نئی تازہ رپورٹ) الیکشن 2024 کے موقع پر حکومت پنجاب نے امن و امان کی صورت حال برقرار رکھنے کیلئے دفعہ 144 نافذ کر دی ہے ،محکمہ داخلہ کی طرف سے نوٹی فکیشن جاری کردیا گیا۔
تفصیلات کے مطابق محکمہ داخلہ پنجاب کی طرف سے جاری نوٹی فکیشن میں کہا گیا ہے کہ دفعہ 144 کے تحت صوبہ بھر میں ہر قسم کے اسلحے کی نمائش پر پابندی ہوگی۔
نوٹی فکیشن کے مطابق انتخابی مہم اور الیکشن کے دوران فائرنگ پر مکمل پابندی ہوگی جبکہ الیکشن کے ضابطہ اخلاق کی خلاف ورزی پر بھی دفعہ 144 نافذ ہوگی۔
محکمہ داخلہ نےالیکشن 2024 کے موقع پر امیدواروں اور اُن کے حامیوں کے درمیان تصادم کے خدشے کے پیش نظر 12 فروری تک دفعہ 144 نافذ رکھنے کا اعلان کیا ہے۔
