راولپنڈی ( نئی تازہ رپورٹ) سابق وزیر داخلہ عوامی مسلم لیگ کے سربراہ شیخ رشید کی رہائشگاہ لال حویلی کو سیل کر دیا گیا۔
جمعرات کو صبح سویرے متروکہ وقف املاک بورڈ نے ایف آئی اے اور پولیس کی بھاری نفری کی موجود گی میں کارروائی کی، اور لال حویلی کو خالی کرا کے سیل کردیا۔
ڈپٹی ایڈمنسٹریٹر آصف خان کے مطابق شیخ رشید اور ان کے بھائی متروکہ وقف املاک کی پراپرٹی پر غیر قانونی قابض ہیں اور وہ لال حویلی سے متعلق کوئی مستند دستاویزات پیش نہیں کر سکے۔
متروکہ وقف املاک کے ڈپٹی ایڈمنسٹریٹر آصف خاننے صحفیوں سے گفتگو کرتے ہوئے کہا کہ لال حویلی کو مکمل طور پر سیل کردیا گیا ہے ۔
آصف خان نے کہا کہ شیخ رشید اور شیخ صدیق نے جو دستاویزات پیش کیں وہ ناقابل قبول ہیں، لال حویلی کو خالی کرانے کا فیصلہ چیئرمین متروکہ وقف املاک بورڈ نے جاری کیا، چیئرمین متروکہ وقف املاک بورڈ کے فیصلے کی روشنی میں لال حویلی کو سیل کرنے کا آپریشن کیا گیا۔
شیخ رشید احمد کے بھتیجے شیخ راشد شفیق نے لال حویلی سیل کرنے کے اقدام کو لاہور ہائیکورٹ میں چیلنج کرنے کا اعلان کیا ہے۔انہوں نے اعلیٰ عدلیہ سے نوٹس لینے کا بھی مطالبہ کیا۔
