میلبورن ( نئی تازہ رپورٹ) پاکستان کے حمزہ خان نے مصر کے محمد زکریا کو شکست دے کر ورلڈ جونیئر اسکواش چیمپئن شپ 2023 جیت لی، 1986 میں جانشیرخان کے بعد کسی پاکستانی کو پہلی بار چیمپئن بننے کا اعزاز حاصل ہو گیا ۔
آسٹریلیا کے شہر میلبورن میں ہونے والے ٹورنامنٹ کے دوران حمزہ خان نے نے مد مقابل کو 3-1 سے شکست دی۔
میڈیا رپورٹ کے مطابق آخری بار کسی پاکستانی نے 2008 میں فائنل میں جگہ بنائی تھی جو عامر اطلس تھے جبکہ پاکستان کی طرف سے آخری فاتح جانشیر خان تھے جنہوں نے 1986 میں کامیابی سمیٹی تھی۔
اپنی کامیابی پر ردعمل ظاہر کرتے ہوئے، حمزہ خان نے اپنے کوچ، مینیجرز اور والدین کا تعاون کرنے پر شکریہ ادا کیا۔
یاد رہے کہ حمزہ خان نے 2020 میں برٹش جونیئر اوپن اسکواش چیمپئن شپ میں انڈر 15 کا ٹائٹل جیتا تھا –
