دبئی ( نئی تازہ رپورٹ )سابق وزیراعظم نوازشریف سعودی عرب سے ایک بار پھر دبئی پہنچ گئے ہیں جہاں پیپلز پارٹی کے قائدین آصف علی زرداری اوربلاول بھٹوپہلے سے پہنچ چکے ہیں۔
ایک روز قبل سابق صدر آصف علی زرداری خصوصی طیارے کے ذریعے دبئی پہنچے تھے، وہ چند دن دبئی میں قیام کے بعد وطن واپس آئیں گے۔ پارٹی ذرائع کے مطابق سابق صدر کی دبئی میں اہم سیاسی ملاقاتیں متوقع ہیں ۔
مسلم لیگ ن اورپیپلزپارٹی کی قیادت کے درمیان متوقع ملاقاتوں میں سیاسی صورتحال اور نگران حکومت سے متعلق اہم مشاورت کاامکان ہے ۔
دوسری جانب نواز شریف سے ملاقات کے بعد مریم نواز رات گئے وطن واپس پہنچ گئی ہیں۔ وہ عید الاضحیٰ سے قبل دبئی میں چند روز قیام کے بعد لندن چلی گئی تھیں، جہاں انہوں نے اپنے والد سابق وزیر اعظم نواز شریف کے ہمراہ لندن میں ہی عید گزاری۔اس دوران انہوں نے نواز شریف کے ساتھ ملکی سیاسی صورتحال اور آئندہ انتخابات سمیت متعدد امور پر مشاورت بھی کی ۔
