آرمی چیف کا کمانڈرامریکی سینٹکام سے علاقائی صورتحال اور دفاعی تعاون بڑھانے پر تبادلہ خیال

راولپنڈی ( نئی تازہ رپورٹ) پاک فوج کے سربراہ جنرل عاصم منیر سے کمانڈر امریکی سینٹرل کمانڈ جنرل مائیکل ایرک کوریلا نے ملاقات کی۔

پاک فوج کے شعبہ تعلقات عامہ (آئی ایس پی آر) کے مطابق آرمی چیف جنرل عاصم منیر اورکمانڈر سینٹکام جنرل مائیکل ایرک کوریلا کے درمیان ملاقات میں باہمی دلچسپی کے امور، خطے کی صورتحال اور دفاعی تعاون کے فروغ سے متعلق تبادلہ خیال کیا گیا۔

بیان میں کہا گیا کہ ملاقات میں تمام شعبوں میں دو طرفہ تعلقات کےمزید فروغ کی خواہش کا اعادہ کیا گیا۔

آئی ایس پی آر کے مطابق جنرل مائیکل ایرک کوریلا نے دہشتگردی کے خلاف جنگ میں پاکستانی فوج کی کامیابیوں اور خطے میں امن و استحکام کے لیے پاکستان کی مسلسل کاوشوں کو سراہا۔