بشام ( نئی تازہ رپورٹ) لوئرکوہستان میں گاڑی کھائی میں گرجانے سے 6 افراد جاں بحق ہوگئے۔
ریسکیو ذرائع کے مطابق حادثے کا شکار ہونے والی گاڑی لوئرکوہستان کے علاقے بشام سے کولئی پالس جارہی تھی کہ کھائی میں جاگری جس سے 6 افراد جاں بحق اور 4 ز خمی ہو گئے۔ حادثے کے بعد ریسکیو 1122 اور مقامی لوگوں نے امدادی سرگرمیاں انجام دیں۔
ریسکیو 1122 لوئرکوہستان کی ٹیموں نے زخمیوں کو ابتدائی طبی امداد فراہم کی بعد ازاں انہیں تحصیل ہسپتال پٹن منتقل کر دیا گیا۔
ریسکیو عملے کے مطابق کنٹرول روم کو کال موصول ہوتے ہی میڈیکل ٹیمیں بمعہ ایمبولینس جائے حادثہ کی جانب بھجوا دی گئیں ۔
