اسلام آباد ( نئی تازہ رپورٹ) حکومت نے پیٹرول کی قیمت میں 8 روپے فی لیٹر کمی کا اعلان کردیا۔
وزارت خزانہ سے جاری بیان میں کہا گیا کہ حکومتِ پاکستان نے آئل اینڈ گیس ریگیولیٹری اتھارٹی کی سفارش پر پیٹرول کی قیمت میں 16 جنوری 2024 سے کمی کا فیصلہ کیا ہے۔
وزارت خزانہ سے جاری نوٹیفیکیشن کے مطابق پیٹرول کی قیمت میں 8 روپے فی لیٹر کمی کی گئی ہے جبکہ ہائی اسپیڈ ڈیزل کی قیمت برقرار رکھی گئی ہے۔
نوٹیفیکیشن کے مطابق پیٹرول کی 16 جنوری سے نئی قیمت 259 روپے 34 پیسے فی لیٹر ہوگئی ہے جبکہ ہائی اسپیڈ ڈیزل کی قیمت 276 روپے 21 پیسے فی لیٹر برقرار رہے گی۔
پیٹرولیم مصنوعات کی نئی قیمتوں کا اطلاق 16 جنوری 2024 سےآئندہ 15 روز کے لیے ہو گا۔
