کراچی ( نئی تازہ رپورٹ) اے آر و ائی ٹی وی چینل کے سی او اور کراچی کنگزکرکٹ ٹیم کے مالک سلمان اقبال کی بڑی بیٹی دبئی میں انتقال کرگئیں ہیں۔ ٹی وی کی جانب سےنشر خبر کے مطابق سلمان اقبال کی بڑی بیٹی سمیعہ کا انتقال دبئی میں ہوا ۔
سمعیہ اقبال کی نماز جنازہ اور تدفین دبئی میں کی جائے گی۔ صدر مملکت عارف علوی، وزیر اعظم محمد شہباز شریف سمیت سیاسی و سماجی رہنمائوں نے سلمان اقبال سے بیٹی کے انتقال پر تعزیت کا اظہار کیا ہے ۔
صدر مملکت ڈاکٹر عارف علوی نے سلمان اقبال کی بیٹی کے انتقال پراپنے ٹویٹ میں افسوس کا اظہار کیا، صدر مملکت ڈاکٹر عارف علوی نے کہا کہ مشکل وقت میں ہماری دعائیں سلمان اقبال اور انکے خاندان کیساتھ ہیں۔
وزیر اعظم نے سلمان اقبال کی بیٹی کی وفات پر تعزیت کا اظہار کرتے ہوئے کہا کہ سلمان اقبال کی بیٹی کی کم عمری میں اچانک وفات کا سن کر جو دکھ ہوا۔اس غم کو بیان کرنے کے لیے الفاظ نہیں ہیں۔
اپنے ٹویٹ میں انہوں نے دعا کی کہ اللہ تعالیٰ سلمان اقبال اور ان کے اہل خانہ کو یہ صدمہ برداشت کرنے کی توفیق عطا فرمائے۔ شہباز شریف نے کہا نے کہا کہ بے شک ہم اللہ کے لئے ہیں اور اللہ ہی کی طرف لوٹ کر جانا ہے۔انہوں نے دعا کی کہ اللہ تعالیٰ مرحومہ کی مغفرت فرمائے اور جنت الفردوس میں اعلی مقام عطا فرمائے۔
