لاہور( نئی تازہ رپورٹ) پاکستان تحریک انصاف کی جانب سے چیف جسٹس عمر عطا بندیال سے اظہار یکجہتی کے لئے ملک کے مختلف شہروں میں آج ہفتہ کو ریلیاں نکالی جائیں گی۔ لاہور میں نکالی جانے والی ریلی کی قیادت عمران خان کریں گے۔
چیئرمین تحریک انصاف ، سابق وزیر اعظم عمران خان نے گزشتہ روز چیف جسٹس کے ساتھ اظہار یکجہتی کیلئے ریلیاں نکالنے کا اعلان کیا تھا ، اعلان کے مطابق آج شام ساڑھے پانچ بجے ملک بھر میں پی ٹی آئی کارکن ایک گھنٹے کی ریلیاں نکا لیں گے، عمران خان لاہور میں نکالی جانے والی ریلی کی قیادت خود کریں گے۔
پروگرام کے مطابق لاہور میں نکالی جانے والی ریلی عمران خان کی رہائش گاہ زمان پارک سے شروع ہوگی جو لکشمی چوک پہنچ کرختم ہو گی۔
