کراچی ( نئی تازہ رپورٹ) کراچی سمیت سندھ کے 24 اضلاع میں ضمنی بلدیاتی االیکشن آج اتوار 7 مئی کو ہوں گے۔
الیکشن کمیشن کے مطابق ضمنی بلدیاتی الیکشن کے لیے پولنگ صبح 8 بجے شروع پو گی اور بغیر کسی وقفے کے شام 5 بجے تک جاری رہے گی۔
اس دوران مختلف کیٹگریز کی 63 نشستوں پر الیکشن ہوں گے، جن میں کراچی ڈویژن کی یو سی چیئرمین اوروائس چیئرمین کی 11 جبکہ وارڈ ممبر کی 15 نشستیں بھی شامل ہیں۔
کراچی کے ضلع وسطی میں یو سی 4 نیو کراچی، یو سی 6 نارتھ ناظم آباد، یو سی 13 نیو کراچی میں پولنگ ہو گی، ضلع کورنگی کی یو سی 2 کورنگی، یو سی 3 شاہ لطیف ٹاؤن، یو سی 8 لانڈھی، ضلع غربی میں یو سی 1 اورنگی، یو سی 2 اورنگی، یو سی 8 مومن آباد میں بھی ضمنی الیکشن ہوگا،
اسی طرح ضلع جنوبی میں یو سی 2 بہار کالونی لیاری اور ضلع کیماڑی میں یو سی 2 بلدیہ میں چیئرمین، وائس چیئرمین کی مشترکہ نشست پر ضمنی الیکشن ہو رہا ہے۔
یہ بھی پڑھیں : سندھ بلدیاتی ا لیکشن، کراچی اور حیدرآباد کے 16 اضلاع میں پولنگ
ضمنی بلدیاتی الیکشن کے سلسلے میں جیکب آباد، کشمور،نواب شاہ، شکارپور، سانگھڑ، مٹیاری، ٹنڈوالہیار اور جامشورو میں ایک ایک نشست پر پولنگ ہوگی ، گھوٹکی، سکھر، خیرپور، بدین اور سجاول میں دو، دو نشستوں پر ضمنی الیکشن ہو رہا ہے۔
نوشہروفیروز، دادو اور ٹھٹہ میں تین، تین نشستوں پر جبکہ حیدرآباد میں دس نشستوں پر پولنگ ہو گی۔
ممبر ڈسٹرکٹ کونسل، چیئرمین، وائس چیئرمین اور جنرل کونسل کی مختلف نشستوں پر امیدواروں کے انتقالکے باعث اور دیگر وجوہات کی بنا پر الیکشن نہیں ہوسکے تھے۔
ضمنی بلدیاتی الیکشن کے لیے مجموعی طور پر 449 پولنگ اسٹیشنز اور 1586 پولنگ بوتھ قائم کئے گئے ہیں۔292 کو انتہائی حساس اور 157 کو حساس قرار دیا گیا ہے۔اس موقع پر کراچی میں پولیس کے 7 ہزار سے زائد اہلکار ڈیوٹی دیں گے ۔
الیکشن کمیشن کے مطابق ضمنی الیکشن میں 434 امیدوار حصہ لے رہے ہیں، مرد اور خواتین ووٹرز کی کل تعداد 6 لاکھ 90 ہزار 295 ہے۔
