نئی دہلی ( نئی تازہ رپورٹ) موبائل فون پھٹنے سے 8 سالہ بچی ہلاک ہوگئی۔
میڈیارپورٹ کے مطابق بھارتی ریاست کیرالہ میں تیسری جماعت کی طالبہ 8 سالہ بچی دیوانشی رات کے وقت موبائل فون استعمال کررہی تھی جو اچانک پھٹ گیا۔ جس سے بچی کا چہرہ بری طرح جھلس گیا۔
پولیس کے مطابق بچی کے ہاتھ میں فون پھٹ جانے سے وہ موقع پر ہلاک ہو گئی۔ ابتدائی تفتیش کے مطابق موبائل فون تین سال قبل خریدا گیا تھا جبکہ گزشتہ سال اس کی بیٹری تبدیل کی گئی تھی۔ پولیس مزید تحقیقات کر رہی ہے۔اہل خانہ کے مطابق بچی موبائل فون پر کارٹون دیکھ رہی تھی۔
