اسلام آباد اور پنجاب کے کئی شہروں میں بارش سے موسم خوشگوار،تلہ گنگ،بھکر میں ژالہ باری

اسلام آباد ( نئی تازہ رپورٹ) وفاقی دارالحکومت اسلام آباد اورراولپنڈی،لاہور سمیت پنجاب کے مختلف علاقوں میں بارش کے بعد موسم خوشگوار ہوگیا۔جبکہ کچھ علاقوں میں ژالہ باری سے فصلوں کو نقصان پہنچا۔

پنجاب میں لاہور.راولپنڈی ، بھکر، پاکپتن،بہاولنگر، پتوکی او راجن پور سمیت کئی علاقوں میں تیز ہوا کے ساتھ بارش ہوئی ، جس سے حالیہ دنوں میں درجہ حرارات میں اضافے سے محسوس ہونے والی گرمی میں کمی آئی ہے، جب کہ تلہ گنگ اور بھکر میں ژالہ باری کے باعث گندم، چنے، سبزیوں سمیت متعدد فصلوں کو شدید نقصان ہوا۔

تلہ گنگ اور بھکرمیں شدید ژالہ باری سے متعدد کچے گھروں کو بھی نقصان ہوا ۔ محکمہ موسمیات کے مطابق کراچی میں18 سے 22 مارچ تک بارش کے امکانات ہیں۔ واضح رہے کہ چند رو قبل محکمہ موسمیات نے پیشگوئی کی تھی کہ مارچ کے آخری دنوں میں ملک بھر میں بارش ہونے کا امکان ہے جبکہ رمضان کا دوسرا اور تیسرا عشرہ نسبتاً گرم رہے گا۔