لوئر کوہستان ( نئی تازہ رپورٹ) لوئر کوہستان میں آگ لگنے کے بعد مکان کی چھت گر نے سے 10 افراد جاں بحق ہوگئے۔
رپورٹس کے مطابق خیبر پختونخوا میں لوئر کوہستان کے علاقہ سیری پٹن کے ایک گھر میں آگ لگنے کے بعد مکان کی چھت گر گئی جس سے 10 افراد جاں بحق اور 3 زخمی ہوگئے، جبکہ13 افراد کو بچالیا گیا ہے۔
ریسکیو حکام کے مطابق سیری پٹن کے گھر میں نامعلوم وجوہات پر شدید آگ بھڑک اٹھی، جس کے بعد مکان کی چھت ایک دھماکے سےگر گئی۔
مقامی انتظامیہ اور ریسکیو ذرائع کے مطابق اس واقعہ میں 10 افراد جاں بحق اور 3 زخمی ہوگئے ، ملبے سے 13 افراد کو بحفاظت نکال لیا گیا، جبکہ ایک شخص کے ملبے میں دبے ہونے کی اطلاعات ہیں۔ ریسکیو ٹیموں نے امدادی کارروائیاں جاری رکھی ہوئی ہیں۔ پولیس نے واقعہ کی وجوہات جاننے کے لئے تفتیش شروع کر دی ہے۔
