راولپنڈی ( نئی تازہ رپورٹ) شمالی وزیرستان میں سکیورٹی فورسز کی کارروائی میں فورسز اور شہریوں پر حملوں میں ملوث 6 دہشتگرد ہلاک ہوگئے۔
پاک فوج کے شعبہ تعلقات عامہ (آئی ایس پی آر) کےمطابق شمالی وزیرستان کےضلع دتہ خیل میں سکیورٹی فورسز نے انٹیلی جنس بنیاد پر کارروائی کی جس کے دوران فورسز اور دہشتگردوں کے درمیان فائرنگ کا تبادلہ ہوا جس میں 6 دہشتگرد مارے گئے۔
آئی ایس پی آر کے مطابق مارے گئے دہشتگرد سکیورٹی فورسز اور شہریوں پر دہشتگرد حملوں میں ملوث تھے، ان کے قبضے سے اسلحہ اور گولہ بارود بھی برآمد ہوا ہے۔
آئی ایس پی آر کے بئان کے مطابق مقامی لوگوں نے سکیورٹی فورسز کے ردعمل کو سراہا اور دہشتگردی کی لعنت کے خاتمے کے لیے مکمل تعاون کا اظہار کیا۔
