مبئی( نئی تازہ شو بز ڈیسک) بالی ووڈ کے سینیئراداکار اور ڈائریکٹر ستیش کوشک 66 برس کی عمر میں دل کا دور ہ پڑنے سے انتقال کر گئے۔
بھارتی میڈیا کے مطابق اہلِ خانہ نے موت کی تصدیق کرتے ہوئے بتایا کہ ستیش کوشک کو نئی دہلی میں کار میں سفر کے دوران دل کا دورہ پڑا جس سے وہ موقع پر دم توڑ گئے۔
مداحوں کو اداکار انوپم کھیر نے ٹوئٹر پر ستین کوشک کی موت کی اطلاع دی، انہوں نے لکھا کہ میں جانتا ہوں کہ موت اس دنیا کی آخری سچائی ہے، لیکن کبھی خوابوں میں بھی نہیں سوچا تھا کہ میں یہ بات کسی دن اپنے بہترین دوست کے بارے میں لکھوں گا۔انوپم کھیر نےکہا کہ45 سال کی دوستی پر ایسا اچانک فل اسٹاپ لگ گیا۔
اد رہے کہستیش کوشک کو 1987 کی سپر ہٹ فلم مسٹر انڈیا میں کیلنڈر کے کردار سے کافی پذیرائی ملی تھی جس کے بعد انہوں نے متعدد فلموں میں کامیڈی کردار کئے۔
کوشک ایک نامور ہدایتکار اور اسکرین رائٹر بھی تھے۔ ستیش کوشک نے سلمان خان کی مشہور فلم تیرے نام کے علاوہ روپ کی رانی چوروں کا راجا، پریم اور مشہور فلم ہم آپ کے دل میں رہتے ہیں سمیت کئی فلموں کی ہدایتکاری کی ۔
