اسلام آباد ( نئی تازہ رپورٹ) آئی ایم ایف نے پاکستان کے ساتھ ورچوئل مذاکرات کے دوران دیئے گئے اہداف بارے اقدامات پر اطمینان کا اظہار کیا ہے جس سے اسٹاف لیول معاہدے کی راہ ہموار ہوگئی ہے۔
ذرائع کے مطابق پاکستان اوربین الاقوامی مالیاتی فنڈ( آئی ایم ایف ) کے درمیان ورچوئل مذاکرات کے دوران مثبت پیش رفت ہوئی ہے اورتوقع ہے کہ رواں ہفتے آئی ایم ایف کے ساتھ اسٹاف لیول معاہدہ طے پا جائے گا۔
ذرائع کا کہنا ہے کہ پاکستان نے آئی ایم ایف کے دیےگیے تمام اہداف پر پیش رفت کی ہے، آئی ایم ایف کو 4 بار ایم آئی ایف پی کے اہداف پر مطمئن کیا گیا، اسٹاف لیول معاہدے سے قبل پیشگی اہداف بھی حاصل کیے گئے۔
ذرائع کا بتانا ہے کہ زرمبادلہ کے ذخائر بہتر ہونے سے آئی ایم ایف کی آخری پیشگی شرط بھی پوری ہوگئی ہے، چین کے قرض کے رول اوور نے زرمبادلہ کے ذخائر بہتر ہو گئے ہیں۔
