اسلام آباد ( نئی تازہ رپورٹ ) قائداعظم یونیورسٹی میں طلباء تنظیموں کے درمیان تصادم کی ایف آئی آر 60 طلبا کے خلاف درج کر لی گئی۔ قائد اعظم یونیورسٹی انتظامیہ کی طرف سے ساٹھ طلباء کے خلاف ایف آئی آر تھانہ سیکریٹریٹ میں درج کرائی گئی ،مقدمے میں لڑائی جھگڑے، کار سرکار میں مداخلت، توڑ پھوڑ اور اقدام قتل کی دفعات شامل ہیں۔
ایف ائی ار میں یہ بھی کہا گیا ہے کہ یونی ورسٹی میں طالبات کو ہراساں بھی کیا گیا اور راستے بند کیے گئے۔ دیگر دفعات کو بھی مقدمے مین شامل کیاگیا ہے۔ تصادم کے بعد پولیس اور ایف سی اہلکاروں نے یونیورسٹی ہاسٹلز خالی کرانے کیلئے آپریشن کیا۔
قائد اعظم یونیورسٹی میں طلباء تنظیموں کے درمیان تصادم کے معاملہ پر وائس چانسلر نے رینجرز تعیناتی کیلئے سیکرٹری داخلہ کو خط بھی لکھا تھا۔
