کوئٹہ( نئی تازہ ڈیسک) بلوچستان میں لوکل کونسلز کی مخصوص نشستوں پر ضمنی انتخابات کا شیڈول جاری کر دیا گیا ہے۔
الیکشن کمیشن بلوچستان کے مطابق امیدواروں سے کاغذاتِ نامزدگی 27 جون 2025 تک وصول کیے جائیں گے، جبکہ ابتدائی امیدواروں کی فہرست 28 جون کو جاری کی جائے گی۔
ای سی پی کے مطابق کوئٹہ کے سوا تمام اضلاع میں ضمنی انتخابی عمل جاری ہے۔ کاغذات کی جانچ پڑتال 30 جون سے 2 جولائی تک مکمل کی جائے گی۔
شیڈول کے مطابق امیدواروں کی حتمی فہرست 15 جولائی 2025 کو شائع کی جائے گی، اور اسی روز انہیں انتخابی نشانات بھی الاٹ کیے جائیں گے۔
الیکشن کمیشن بلوچستان نے لوکل کونسلزکے لیے پولنگ کی تاریخ 3 اگست 2025 مقرر کی ہے، اور کہا ہے کہ ووٹرز تیار رہیں۔ تمام انتخابی عمل الیکشن کمیشن آف پاکستان کے طے شدہ شیڈول کے مطابق مکمل ہوگا۔
