اسلام آباد ( نئی تازہ نیوز) سپریم کورٹ نے پیر 9 دسمبر 2024 سے شروع ہونے والے ہفتے کیلیے ججز روسٹر اور ریگولر کاز لسٹ جاری کردی۔
سپریم کورٹ کی طرف سے جاری تفصیلات کے مطابق بینچ نمبر ایک جسٹس منصور علی شاہ جسٹس عائشہ ملک اور جسٹس عقیل عباسی پر مشتمل ہو گا بینچ 2 میں جسٹس منیب اختر جسٹس اطہر من اللہ اور جسٹس شاہد وحید شامل ہوں گے، بینچ 3 جسٹس امین الدین خان جسٹس محمد علی مظہر اور جسٹس حسن اظہر رضوی پر مشتمل ہو گا ۔
بینچ 4 میں جسٹس جمال خان مندو خیل، جسٹس مسرت ہلالی اور جسٹس نعیم اختر افغان کو شامل کیا گیا ہے، بینچ 5 جسٹس عرفان سعادت خان ، جسٹس ملک شہزاد اور جسٹس شاہد بلال اوربینچ 6 جسٹس سردار طارق مسعود اور جسٹس مظہر عالم میاں خیل پر مشتمل ہو گا۔
اس کے علاوہ چیف جسٹس یحییٰ خان آفریدی اور جسٹس ملک شہزاد پر مشتمل دو رکنی بینچ صرف 13دسمبرکو اسلام آباد میں دستیاب ہوگا۔
جبکہ ڈی سیٹ قرار دیے گئے مسلم لیگ کے سابق رکن قومی اسمبلی عادل بازئی نےالیکشن کمیشن کے فیصلے کیخلاف سپریم کورٹ میں اپیل دائر کی ہے جسے سماعت کیلئے مقررکردیا گیا ہے۔الیکشن کمیشن آف پاکستان نے پارٹی پالیسی کی خلاف ورزی پر عادل بازئی کو ڈی سیٹ کرنے کا فیصلہ کیا تھا۔
عادل بازئی کی اپیل پر ابتدائی سماعت پیر9 دسمبر کو ہوگی۔ اپیل پر سماعت جسٹس منصور علی شاہ کی سربراہی میں تین رکنی بنچ کرے گا ۔
