اسلام آباد ( نئی تازہ مانیٹرنگ) مسلح افغان باشندوں نے وفاقی دارالحکومت میں تھانہ بارہ کہو کی حدود میں راستے کے تنازع پر اندھا دھند فائرنگ کر کے پڑوسی میاں بیوی کو قتل کردیا۔
میڈیا رپورٹ کے مطابق وفاقی دارالحکومت میں سترہ میل کے علاقہ میں دومسلح افغان باشندوں نے راستہ کے تنازع پر کارمیں سوارمیاں بیوی پراندھا دھند فائرنگ کرکے دونوں کوموت کے گھاٹ اتار دیا جبکہ کار میں سوار کمسن بیٹی معجزانہ طور پر محفوظ رہی۔
ملزمان دوہرے قتل کی کے بعد موقع سے فرار ہوگئے ، جنکی گرفتاری کے لئے پولیس ٹیمیں پورے علاقہ میں سرچنگ کررہی ہیں۔
پولیس ذرائع کے مطابق مقتول انجینئیر محمدعاصم لانگ اپنی اہلیہ ردائے نور اورڈ یڑھ سال کی بیٹی سبرینہ کے ساتھ کارمیں اپنی گلی میں پہنچے تھے ، پڑوسی مبینہ افغان باشندے شریف اللہ اوراسماعیل نے راستہ نہ دیا توان کے درمیان تکرار ہونے لگی۔
میڈیا رپورٹ کے مطابق تکرار کے دوران دونوں دونوں افغان باشندوں نے گاڑی میں موجود میں بیوی پراندھا دھند فائرنگ کردی جس سے دونوں موقع پر ہی جاں بحق ہوگئے جبکہ انکی کمسن بیٹی سبرینہ فائرنگ سےمعجزانہ طور پرمحفوظ رہی۔ بعض اطلاعات کے مطابق بچی زخمی ہوئی ہے مگر اس کی جان بچ گئی ہے۔
پولیس نے دونوں لاشیں تحویل میں لے کر ضابطے کی کارروائی کیلیے ہسپتال منتقل کردیا۔
آئی سی سی پی او ڈاکٹراکبر ناصر خان نے اس سنگین واقعہ کا فوری نوٹس لیتے ہوئے ایس ایس پی آپریشنز کو ملزمان کی فوری گرفتاری کا حکم دیا ہے۔اطلاعات کے مطابق ایس ایس پی آپریشنز نے ملزمان کی گرفتاری کے کئے تین الگ الگ پولیس ٹیمیں تشکیل دے دیں۔
نجی ٹی وی نے نے پولیس ذرائع کے حوالے سے بتایا ہے کہ ابتدائی تفتیش میں سامنے آیا ہے کہ دونوں ملزمان افغان باشندے ہیں۔ ایس ایچ او تھانہ بارہ کہو نے نجی ٹی وی کو بتایا کہ ملزمان کی گرفتاری کی سرتوڑ کوششیں جاری ہیں اوربہت جلد ملزمان قانون کی گرفت میں ہوں گے۔
