اسلام آباد ( نئی تازہ رپورٹ) بجلی صارفین کے لیے قیمت میں 3 روپے 5 پیسے فی یونٹ اضافہ کر دیا گیا، نیشنل الیکٹرک پاور ریگولیٹری اتھارٹی (نیپرا) نے نئی قیمتوں بارے نوٹیفکیشن جاری کردیا۔
نوٹیفکیشن کے مطابق بجلی اکتوبر کی فیول پرائس ایڈجسٹمنٹ کی مد میں مہنگی کی گئی ہے۔
نیپرا کے نوٹیفکیشن میں کہا گیا ہے کہ بجلی کی قیمتوں میں کیا جانے والا یہ اضافہ دسمبر کے بلوں میں وصول کیا جائے گا۔
نیپرا کے بیان کے مطابق اس اضافے کا اطلاق لائف لائن صارفین اور کےالیکٹرک صارفین پر نہیں ہوگا۔
