راولپنڈی (نئی تازہ رپورٹ) پاک افغان سرحد کے قریب سیکیورٹی فورسز کے آپریشن میں 2 دہشتگرد مارے گئے، جبکہ 4 زخمی ہوگئے۔
پاک فوج کے شعبہ تعلقات عامہ (آئی ایس پی آر) کی طرف سے بدھ کو جاری بیان کے مطابق 7 اور 8 نومبر کی درمیانی شپ سکیورٹی فورسز نے خفیہ معلومات کی بنیاد پر ضلع چترال میں پاک افغان سرحدی علاقے ارسون میں آپریشن کیا، اس دوران دہشت گردوں سے شدید فائرنگ کا تبادلہ ہوا۔ آپریشن میں 2 دہشتگرد ہلاک اور 4 زخمی ہوگئے۔
بیان میں بتایا گیا کہ علاقہ میں بچے کھچے دہشت گردوں کی تلاش کے لئے آپریشن جاری ہے، مقامی افراد کی جانب سے سکیورٹی فورسز کے آپریشن کو سراہا گیا۔
آئی ایس پی آر کے بیان کے مطابق سیکیورٹی فورسز نے ملک میں دہشت گردی کی لعنت ختم کرنے کا عزم کر رکھا ہے۔
