اسلام آباد ( نئی تازہ رپورٹ) وزیر اعظم شہباز شریف سے چیف آف آرمی سٹاف جنرل عاصم منیر اور آئی ایس آئی کے ڈائریکٹر جنرل لیفٹیننٹ جنرل ندیم انجم نے ملاقات کی۔
ذرائع کے مطابق منگل کو وزیر اعظم ہاؤس میں ہو نے والی ملاقات کے دوران ملکی صورتحال پر غور کیا گیا۔
نجی ٹی وی نے ذرائع کے حوالے سے بتایا کہ وزیر اعظم کو سربراہ پاک فوج اور ڈی جی انٹر سروسز انٹیلی جنس نے سکیورٹی صورتحال سے متعلق بریفنگ دی اور انہیں سرحدی صورتحال سمیت دہشت گردی کے خلاف اقدامات بارے آگاہ کیا گیا۔
ذرائع کے مطابق وزیر اعظم نے ملاقات میں افواج پاکستان کی پیشہ وارانہ امور پر اطمینان کا اظہار کیا۔
