اسلام آباد ( نئی تازہ رپورٹ) اسپیکر قومی اسمبلی راجا پرویز اشرف نے مزید35 ارکا ن کے استعفے منظور کرلیے جن میں پاکستان تحریک انصاف کے 34 ارکان اور اتھادی رکن شیخ رشید شامل ہیں. الیکشن کمیشن نے ان تمام ارکان کو ڈی نوٹیفائی کر دیا ہے۔اسپیکر کی جانب سے منگل کو جن ارکان کے استعفے منظور کیے گئے ہیں ان میں 33 براہ راست منتخب شدہ ارکان کے علاوہ خواتین کی مخصوص نشستوں پر منتخب دوارکا ن بھی شامل ہیں۔
جن ارکان کے استعفے منظور کیے گئے ہیں ان میں مراد سعید، عمر ایوب خان، اسد قیصر، پرویز خٹک، عمران خٹک، شہریار آفریدی، علی امین خان، نور الحق قادری، راجا خرم شہزاد نواز، علی نواز اعوان، اسد عمر، صداقت علی خان اور غلام سرور خان شامل ہیں۔ شیخ راشد شفیق، شیخ رشید احمد، منصور حیات خان، فواد احمد، ثنااللہ خان مستی خیل، محمد حماد اظہر، شفقت محمود خان، ملک محمد عامر ڈوگر، شاہ محمود قریشی، زرتاج گل، فہیم خان کے استعفے بھی منظور کر لئے گئے۔ سیف الرحمن، عالمگیر خان، علی حیدر زیدی، آفتاب حسین صادق، عطااللہ، آفتاب جہانگیر، محمد اسلم خان، نجیب ہارون اور محمد قاسم خان سوری بھی ان ارکان میں شامل ہیں جن کے استعفے اسپیکر نے منظور کئے ہیں۔اس کے علاوہ خواتین کی مخصوص نشستوں پر منتخب ارکان عالیہ حمزہ ملک اور کنول شوزب کے استعفے بھی منظور ہوگئے ہیں۔ الیکشن کمیشن آف پاکستان نے مذکورہ 35ارکان کو ڈی نوٹیفائی کر دیا ہے۔ اس سے قبل گذشتہ برس جولائی میں 11پی ٹی آئی ارکان قومی اسمبلی کے استعفے منظور کئے گئے تھے۔
