کراچی ( نئی تازہ ڈیسک) پاکستان میں ذی الحج کا چاند نظر آ گیا ہے، جس کے بعد عید الاضحیٰ 27 مئی بروز بدھ کو منائی جائے گی۔
ذی الحج کا چاند دیکھنے کے لیے مرکزی رویت ہلال کمیٹی کا اجلاس کراچی میں ہوا، جس کی صدارت چیئرمین مولانا عبدالخبیر آزاد نے کی۔ اجلاس میں مرکزی و زونل کمیٹی کے ارکان سمیت محکمہ موسمیات اور سپارکو کے ماہرین بھی شریک ہوئے، جبکہ وفاقی دارالحکومت اسلام آباد اور تمام صوبائی دارالحکومتوں میں زونل کمیٹیوں کے اجلاس منعقد کیے گئے۔
اجلاس کے بعد پریس کانفرنس کرتے ہوئے چیئرمین مولانا عبدالخبیر آزاد نے باضابطہ اعلان کیا کہ ملک کے مختلف حصوں سے چاند کی شرعی شہادتیں موصول ہوئی ہیں، لہٰذا کل بروز پیر یکم ذی الحج ہوگی اور عید الاضحیٰ 27 مئی کو ہوگی۔
ذرائع کے مطابق مرکزی کمیٹی کو مختلف مقامات سے شہادتیں موصول ہوئیں، جن میں کراچی اجلاس میں موجود دو ارکان کی گواہی بھی شامل ہے۔ اس کے علاوہ خیبر پختونخوا سے تین شہادتیں ملیں؛ زونل کمیٹی کے رکن کے مطابق مردان سے محمد اور احمد نامی شہریوں نے چاند دیکھنے کی تصدیق کی، جبکہ ایک شہادت پشاور سے بھی موصول ہوئی۔
