پاکستان اور آئرلینڈ کی کرکٹ ٹیمیں مئی میں تین میچوں پر مشتمل ٹی20 سیریزکھیلیں گی۔ تینوں میچز ڈبلن میں ہوں گے۔
آئرلینڈ کے کرکٹ بورڈ کی جانب سے اعلان کیا گیا ہے کہ پاکستان اور آئرلینڈ کی ٹیمیں 10، 12 اور 14 مئی کو ٹی20 میچزکھیلیں گی۔ ٹی 20 سیریز کی میزبانی آئرش بورڈ کرے گا، جس کیلئے پاکستانی ٹیم آئرلینڈ کا دورہ کرے گی۔
بتایا گیا ہے کہ پاک آئرلینڈ سیریز امریکہ اور ویسٹ انڈیز میں ہونے والے ٹی20 ورلڈکپ سے قبل پریکٹس کا حصہ ہے، واضح رہے کہ آئرلینڈ کے ساتھ سیریز سے قبل پاکستانی ٹیم نیوزی لینڈ کے خلاف پانچ ٹی20 میچزپر مشتمل سیریز کھیلے گی، جو اپریل میں ہو گی۔
یاد رہے کہ پاکستان اور آئر لینڈ کی ٹیموں کے درمیان آخری ٹی20 سیریز 2018 میں کھیلی گئی تھی۔
2020 میں آئرلینڈ کیخلاف دو میچز کی سیریزہونا تھی تاہم کورونا وائرس کے باعث اسے منسوخ کردیا گیا تھا۔
