فیصل آباد ( نئی تازہ رپورٹ) زرعی یونیورسٹی فیصل آباد کے ڈین( سوشل سائنسز) ڈاکٹر خالد مشتاق ٹریفک حادثے میں جاں بحق ہوگئے۔
میڈیا رپورٹ کے مطابق ڈین فیصل آباد زرعی یونیورسٹی ڈاکٹر خالد مشتاق کی گاڑی ڈسٹرکٹ جیل کی دیوار سے ٹکراگئی، بتایا گیا ہے کہ حادثےکے بعد ڈاکٹر خالد مشتاق موقع پر ہی جاں بحق ہوگئے۔
ذرائع کے مطابق ڈاکٹر خالد مشتاق کو دوران ڈرائیونگ ہارٹ اٹیک ہوا جس کے باعث انکی گاڑی بے قابو ہو گئی اور جیل کی دیوار سے ٹکرا کر حادثے کا شکار ہوئی۔ یونیورسٹی آف ایگریکلچر فیصل آباد کے سوشل میڈیا پیجز پر ڈاکٹر خالد مشتاق کے جاں بحق ہونے کی اطلاع دی گئی ہے۔
