کراچی( نئی تازہ رپورٹ) معروف کرکٹر شعیب ملک اور اداکارہ ثنا جاوید نے شادی کرلی۔
کرکٹ آل رائنڈرشعیب ملک نے اپنے آفیشل انسٹاگرام اکاؤنٹ پرشادی کی تصاویر پوسٹ کیں جن میں وہ اور ثنا جاوید شادی کے لباس میں اکٹھے نظر آرہے ہیں۔
شعیب ملک نے اپنی تصاویرکے ساتھ ‘الحمدللہ ‘ لکھا اور قرآن پاک کی آیت بھی لکھی۔
اطلاعات کے مطابق ثنا جاوید اور شعیب ملک کی شادی کی تقریب کراچی میں کچھ روز قبل منعقد ہوئی تھی جس میں دوستوں اور قریبی رشتہ داروں نے شرکت کی تھی۔
اداکارہ ثنا جاوید کی 2020 میں گلوکارعمیر جسوال سے شادی ہوئی تھی ، نومبر 2023 میں دونوں میں طلاق کی خبریں گردش کرتی رہی تھیں، بعد ازاں دونوں نے اپنے سوشل میڈیا اکائونٹس سے ایک دوسرے کی تصاویر شیئر کرنا بھی بند کر دیں۔
شعیب ملک نے 2010 میں بھارتی ٹینس اسٹار ثانیہ مرزا سے پہلی شادی کی تھی، ان کے ہاں 2018 میں بیٹے کی ولادت ہوئی تھی جس کا نام اذہان مرزا ملک ہےی۔
دسمبر 2022 سے شعیب ملک اور ثانیہ مرزاکے درمیان طلاق کی خبریں زیرِ گردش تھیں تاہم دونوں کی جانب سے طلاق کی تردید یا تصدیق نہیں کی گئی ۔
