اسلام آباد ( نئی تازہ رپورٹ) پاکستان اور ایران کے سفیر 26 جنوری سے اپنی ذمہ داریاں سنبھال لیں گے، جبکہ ایرانی وزیرخارجہ 29 جنوری کو پاکستان کا دورہ کریں گے۔
ترجمان دفترخارجہ کی جانب سے جاری بیان میں بتایا گیا ہے کہ پاکستان اور ایران کے وزرائے خارجہ کی ٹیلی فونک بات چیت کے بعد اس بات پر اتفاق گیا کیا ہے کہ دونوں ممالک کے سفیر 26 جنوری سے دوبارہ اپنی ذمہ داریاں سنبھال لیں گے۔
دفتر خارجہ کے بیان میں کہا گیا ہے کہ وزیر خارجہ جلیل عباس جیلانی کی دعوت پر ان کے ایرانی وزیر ہم منصب حسین عامر عبدالہیان 29 جنوری کو پاکستان کا دورہ کریں گے۔
