لاہور ( نئی تازہ رپورٹ) پنجاب کی نگران حکومت نے ڈائریکٹرجنرل اینٹی کرپشن کے اختیارات محدود کردیئے، سرکاری ملازمین کے خلاف مقدمہ کے اندراج سے قبل متعلقہ اتھارٹی سے اجازت لینا ہو گی۔
گورنر پنجاب کی منظوری کے بعد محکمہ قانون کی طرف سے ڈی جی اینٹی کرپشن کے اختیارات محدود کرنے کا گزٹ نوٹیفیکیشن جاری کر دیا گیا ، جس کے مطابق اینٹی کرپشن کو سرکاری ملازمین کے خلاف مقدمہ درج کرنے سے قبل متعلقہ اتھارٹی سے اجازت لینے کا پابند بنایا گیا ہے۔
نوٹیفکیشن کے مطابق اعلیٰ سرکاری افسر کے خلاف مقدمات سے متعلق 3 رُکنی کمیٹی فیصلہ کرے گی۔
سرکاری ملازمین کی گرفتاریوں کے لیے بھی متعلقہ محکموں کے سربراہوں سے اجازت حاصل کی جائے گی۔
