کراچی ( نئی تازہ رپورٹ) سول ایوی ایشن اتھارٹی کو دو حصوں میں تقسیم کرنے کے لئے 9 رکنی کمیٹی قائم کر دی گئی۔
وزارت ایوی ایشن کی جوائنٹ سیکرٹری شازیہ رضوی کوکمیٹی کی چیئرپرسن مقرر کیا گیا ہے جبکہ ایئر وائس مارشل تیمور اقبال کمیٹی کے معاون ہوں گے، کمیٹی 15 اکتوبر تک اپنا کام مکمل کرے گی۔
نوٹیفکیشن میں کہا گیا ہے کہ سول ایوی ایشن اتھارٹی (سی اے اے) پاکستان ایئرپورٹ اتھارٹی اور بیورو آف ایئر سیفٹی انویسٹی گیشن میں تقسیم ہوگی، کمیٹی کی جانب سے سول ایوی ایشن اتھارٹی کے اثاثے اور فنڈز نئے محکموں میں تقسیم کیے جائیں گے۔
نوٹیفکیشن میں بتایا گیا ہے کہ کمیٹی افسران کے ٹرانسفر، ریکارڈ، اسپیس اور فرنیچر کی تقسیم کے معاملات بھی دیکھے گی، مشینری، جبکہ کمیٹی کو گاڑیوں اور فنڈز کی تقسیم کا بھی اختیار ہوگا۔
