مریم نواز سے امریکی سفیر ڈونلڈ بلوم کی ملاقات

اسلام آباد ( نئی تازہ مانیٹرنگ) پاکستان مسلم لیگ ( ن ) کی چیف آرگنائزر اور نائب صدر مریم نوازشریف سے امریکی سفیر ڈونلڈ بلوم نے ملاقات کی ۔

میڈیا رپورٹ کے مطابق اتوار کو مریم نواز اورپاکستان میں امریکی سفیر ڈونلڈ بلوم کے درمیان ملاقات میں پاکستان اور امریکا کے درمیان تاریخی اور دو طرفہ تعلقات کی اہمیت پر تبادلہ خیال کیا گیا۔

ملاقات میں تجارت ، معیشت ، سلامتی ، امن اور علاقائی استحکام سمیت باہمی تعاون کے فروغ کی اہمیت پر بھی زور دیا گیا۔

مریم نواز نے امریکی حکومت کی طرف سے کورونا وبا کے مشکل ترین حالات اور سیلاب کے دوران کی گئی کوششوں کو بھی سراہا۔