اسلام آباد ( نئی تازہ رپورٹ) نامزد نگران وزیرِ اعظم انوار الحق کاکڑنے سینیٹ کی نشست سے استعفیٰ دے دیا ، سینیٹ سیکریٹیریٹ نے نشست خالی قرار دے دی ۔
رپورٹس کے مطابق انوار الحق کاکڑ نے نگران وزیرِ اعظم بننے کے بعد غیرجانبدار رہنے کے لیے اپنی سینیٹ کی نشست سے استعفیٰ دیا ہے۔
چیئرمین سینیٹ صادق سنجرانی نے انوار الحق کاکڑ کا استعفیٰ منظور کر لیا، جس کا نوٹیفکیشنی جاری کر دیا گیا ہے۔
نوٹیفکیشن کے مطابق انوار الحق کاکڑ کی سینیٹ کی نشست 14 اگست سے خالی قرار د ے دی گئی ہے۔
واضح رہے کہ اس سے قبل میڈیا رپورٹس میں بتایا گیا تھا کہ نامزد نگران وزیرِ اعظم انوار الحق کاکڑ نے سینیٹ اور بلوچستان عوامی پارٹی (بی اے پی) کی رکنیت سے مستعفیٰ ہونے کا فیصلہ کر لیا ہے۔
نجی ٹی وی سے گفتگو میں انوارالحق کاکڑ نے کہا تھا کہ آزادانہ اور منصفانہ انتخابات کرانا بنیادی ذمے داری ہے۔ بطور نگران وزیر اعظم سیاسی غیر جانب داری ثابت کرنی ہے۔
