کراچی ( نئی تازہ رپورٹ) گورنر سندھ کامران ٹیسوری نے نگران وزیراعلیٰ کے لیے جسٹس ریٹائرڈ مقبول باقر کے نام کی منظوری دیدی۔
وزیراعلیٰ سندھ مراد علی شاہ اور اپوزیشن لیڈر رعنا انصار نے جسٹس (ر) مقبول باقر کے نام پر اتفاق کے بعد اسے منظوری کے لیے گورنر سندھ کو بھیجا تھا۔
گورنر کی طرف سے جسٹس ریٹائرڈ مقبول باقر کے نام کی منظوری کے بعد نوٹیفکیشن جاری کردیا گیا ہے۔
وزیراعلیٰ سندھ مراد علی شاہ اور صوبائی اسمبلی میں اپوزیشن لیڈر رعنا انصار نے نگران وزیراعلیٰ کے لیے سپریم کورٹ کے سابق جسٹس مقبول باقر کے نام پر اتفاق کیا۔
پیپلزپارٹی کے رہنما مرتضیٰ وہاب نے سماجی رابطے کی ویب سائٹ ایکس (ٹوئٹر) پر اپنی ایک پوسٹ میں بتایا کہ مراد علی شاہ اور رعنا انصار نے مقررہ وقت کے اختتامی لمحات میں نگران وزیراعلیٰ کے نام پر اتفاق کرلیا ہے۔
انہوں نے کہا کہ وزیراعلیٰ سندھ اور اپوزیشن لیڈر کے درمیان مشاورتی عمل آئین کے آرٹیکل 224 ون اے کے تحت 12، 13 اور 14 اگست کو جاری رہا ۔
ان کا کہنا تھا کہ دونوں رہنماؤں نے اتفاق کرلیا کہ جسٹس (ر) مقبول باقر صاحب کا نام بطور نگران وزیراعلیٰ تجویز کیا جائے گا۔
