گوادر ( نئی تازہ رپورٹ) وزیراعظم شہباز شریف متعدد ترقیاتی منصوبوں کے سنگِ بنیاد و افتتاح کے لیےایک روزہ دورے پر گوادر پہنچ گئے۔
وزیراعظم کے دورے میں وفاقی وزراء بھی ان کے ہمراہ ہیں، گورنر بلوچستان عبدالولی کاکڑ وزیرِ اعظم کا استقبال کیا۔ جبکہ وزیراعلیٰ بلوچستان عبدالقدوس بزنجو نے وزیراعظم کی تقریب میں شرکت نہ کرنے کا فیصلہ کیا ہے۔
عبدالقدوس بزنجو کے مطابق صوبہ مالی مشکلات سے دوچار ہے، وفاق نے بلوچستان کو مالی بحران سے نکالنے کے وعدے پورے نہیں کئے۔
ھکومتی ذرائع کے مطابق وزیراعظم گوادر میں متعدد ترقیاتی منصوبوں کا سنگِ بنیاد و افتتاح کریں گے، جن میں 102 کلومیٹرطویل بسیمہ-خضدار روڈ اور 55 کلومیٹر طویل آواران-جھلجاؤ روڈ شامل ہیں۔
منصوبوں میں نیو گوادر انٹرنیشنل ائیرپورٹ اور 132 کے وی کی پنجگور-ناگ-بسیمہ-نل ٹرانسمشن لائن سرفہرست ہیں۔
شیڈول کے مطابق وزیراعظم گوادر یونیورسٹی کے ہونہار طلباء و طالبات میں لیپ ٹاپ تقسیم کریں گے، وزیر اعظم گوادر کے مستحق ماہی گیروں میں امدادی چیک بھی تقسیم کریں گے۔
