اسلام آباد ( نیوز ڈیسک) عالمی مالیاتی فنڈ (آئی ایم ایف) نے پاکستان کے لیے 1.2 ارب ڈالر کی اگلی قسط کی منظوری پر غور کرنے کے لیے اپنا ایگزیکٹو بورڈ اجلاس 8 مئی کو طلب کر لیا ہے۔
آئی ایم ایف کے اعلامیے کے مطابق اس اجلاس میں توسیعی فنڈ سہولت (EFF) پروگرام کے تحت پاکستان کے تیسرے اقتصادی جائزے کی منظوری متوقع ہے۔
اعلامیے میں یہ بھی کہا گیا ہے کہ موسمیاتی تبدیلی سے متعلق آر ایس ایف پروگرام کے دوسرے جائزے کی منظوری بھی اسی اجلاس میں دی جائے گی۔
یاد رہے کہ پاکستان اور آئی ایم ایف کے درمیان اسٹاف لیول معاہدہ 27 مارچ کو طے پا چکا ہے۔
