اسلام آباد ( نئی تازہ رپورٹ) وفاقی حکومت آئندہ مالی سال کا 14 ہزار 6 سو ارب سے زائد کا بجٹ جمعہ 9 جون کو پیش کرے گی۔
وزارت خزانہ کے مطابق سالانہ پلان کوآرڈینیشن کمیٹی کا اجلاس 2 جون کو جبکہ قومی اقتصادی کونسل کا اجلاس 3 جون کوہو گا۔ وزیرِ اعظم شہباز شریف قومی اقتصادی کونسل کے اجلاس کی صدارت کریں گے۔
وزارت خزانہ کے مطابق موجودہ مالی سال جی ڈی پی گروتھ کا تخمینہ اعشاریہ 29 فیصد ہے،آئندہ سال کے لیے معاشی شرح نمو کا ہدف 3 فیصد سے زیادہ رکھنے کی تجویز ہے، نئے مالی سال 2023-24 کے لیے بجٹ اہداف کو حتمی شکل دی جارہی ہے، وفاقی ترقیاتی پروگرام کی مد میں 7 سو ارب روپے مختص کرنے کی تجویزہے۔
وزارت خزانہ کے زرائع کے مطابق وزیرِ اعظم وفاقی ترقیاتی پروگرام ایک ہزار ارب روپے تک بڑھا سکتے ہیں، اگلے مالی سال کے بجٹ کا مجموعی حجم 14 ہزار 6 سو ارب سے زائد ہو گا۔
عوام کو ریلیف دینے کے لیے کمیٹیاں بھی قائم کر دی گئی ہیں ۔
